UKBM CERKAK KLS X SEM 1

UNIT KEGIATAN BELAJAR (UKB)

B. JAWA -3.2/4.2/1/2

CERKAK (CERITA CEKAK)

BAHASA JAWA

KELAS X SEMESTER I

TAHUN PELAJARAN 2017/2018

SMA NEGERI 1 KAJEN

KABUPATEN PEKALONGAN PROVINSI JAWA TENGAH

2018

 Unit Kegiatan Belajar (UKB)

1.    Identitas UKB:

a.       Nama Mata Pelajaran                          : BahasaJawa X

b.      Semester                                              : Ganjil

c.       Kompetensi Dasar                               :

KD 3.2	Menelaah teks crita cekak.
KD 4.2	Menulis dan menyajikan sinopsis teks crita cekak yang dibacanya

d.      Indikator Pencapaian Kompetensi      :

IPK 3.2.1	menelaah teks crita cekak
IPK 4.2.1	menulis dan menyajikan sinopsis teks crita cekak yang dibacanya

e.       Materi Pokok                                      : Cerita cekak(cerkak)

f.       Alokasi Waktu                                    : 6 x 45 menit

g.      Tujuan Pembelajaran                           :

Melalui kegiatan membaca, diskusi, tanya jawab, penugasan, presentasi dan analisis, peserta didik dapat menelaah teks crita cerkak dan dapat Membuat synopsis cerita cerkak, Sehingga peserta didik dapat menghayati dan mengamalkan ajaran agama yang dianutnya, mengembangakan sikap jujur, peduli, dan bertanggungjawab, serta dapat mengembangkan kemampuan berpikir kritis, komunikasi, kolaborasi, kreativitas (4C).

2.    Peta Konsep

3.      Materi Pembelajaran                          

1.	Fakta Muga-Muga Diparingi Eling Dadi wong tuwa sing duwe anak nyekolahaken anake maring sekolah singkelas VI SD, kelas IX SMP, utawa kelas XII dekepengini anake. Ari gur plekara mlebuSMA padha mumet. Mikir kepriben carane sekolah tah jan-jane neng ngendi baenbisa, ningen cekadhang ana sing ora cocok karo pilihan. "Bapake! Engke kula mlebet SMP 09 Karangpucung mawon nggih! Soale teng ngrika guru-gurune dhedikasine tinggi, peralatan lengkap. Lulusane ya padha inggil-inggil bijine kok!" omonge Nopi sing lagi baen lulus SD 14 Gentawangi." "lya, iya ...," bapake mbombong-mbombongi. "Bapake, kula milih mlebu SMA 2 Purwokerto mawon nggih! Sababe alumnus SMA niku terkenal ateng pundi-pundi, lulusane kathah sing ketrima neng perguruan tinggi," omonge Gatot marang bapake. Ari bapake gur klecam-klecem, sabab bapake kuwi pancen alumnus SMA 2 Purwokerto, dadine yen mekrok irunge merga dialem sekolahane. "Ari Nopi, mengko ndhaptar kowe kudu dites maning! Sanggup apa ora? Soale sekiye SD kan ora ana ebtanas." "Siap! Ampun kuwatir, Bapake!" "Ari Gatot nilai Ujian Akhir Nasional-e pira wingi kae?" "Rata-rata wolu, Pak! Jaminan!" "Ya, muga-muga baen." Ari gayeng rembugan, kesaru ana dhayoh. Bapake Darmin. "Gayeng niki tah?" takone bapake Darmin njagong bareng wis diacarani. "Ngrembug plekara sekolah, Kang!" omonge bapake Gatot. "Lah, keleresan niku, ... critane kula niki ajeng nyuwun tulung kalih Bapake Gatot." "Tulung apa, si?" "Anak kula, Darmin ... kepengin mlebet ing SMA 03 Purwajati, ningen bijine niku mung pas-pasan. Rata-rata ujian gur gangsal ... duka niku, niku baen empun lumangyan saged lulus." "Kuwe tah udu bisa lulus! Dilulusaken! Melas!" "Lah niku, kajenge kula niku ajeng nyuwun teng Bapake Gatot, njenengan kankenal kalih guru-guru SMA 03 Purwajati ngriku, mulane tulunglah anak kula ben saged ketampi teng ngriku! Soal amplop ... bereeeees!" "Oalah ... oalaaah ... dudu plekara amplop sing maraih beres, Kang, sing maraih beres kuwe, Darmin kon milih alternatif liyane, sing kira-kira mengko bocahe ora keponthal-ponthal! Sekolah neng SMA 03 Purwajati tah bakal keponthal-ponthal temenan sabab sekolah kuwe mau merupakan kandhang macan! Susuhe bocah-bocah pinter! Tingkat persaingane dhuwur! Melas si Darmin, mengko malah stres, angel golehe nambani!" "Ari amplop kula tambah? Sejuta! Kula ngertos beres!" "Kang! Anggepe rika inyong kuwi apa, si? Tekomongi, melas si Darmin. ari plekara rika arep nyogok semono akehe, langsung aen nganah maring kepala sekolahe! Syukur ari kepala sekolahe kuwi wonge sipate padha karo rika, seneng main dhuwit amplop sogok suap, ari kepala sekolahe kuwiwongeterpuji? Morale bener? Sida-sida rika dedhamprat mentahan!" Sidane bapake Darmin bali nglenthung era olih gawe. Embuh akhire kepriben, kuwi urusane bapake Darmin. Ningen muga-muga baen diparingi eling!
2.	Konsep Crita iku dumadi adhedhasar saka urutan sawijining kedadeyan utawa prastawa. Sajroning kedadeyan iku, ana tokoh (pirang-pirang tokoh) lan tokoh iku nglakoni sawijine utawa rerangkening konflik utawa cecongkrahan. Kedadeyan, tokoh, lan konflik iku sawijining unsur pokok crita, lan katelune kanthi nyawiji diarani plot utawa alur. Kanthi mangkono crita iku kudu duwe alur. Semono uga crita cekak, uga dumadi saka urutan sawijining kedadeyan utawa prastawa, kang nyata utawa fiktif. Kang mbedakake karo crita liyane, cerkak iku dicritakake sepisan rampung, lan wis isa nuduhake karampungane crita. Mula ing padatan cerkak mung tinulis kanthi cekak lan prasaja. Surasane crita uga mung prasaja, ora mbutuhake cara ngrampungake kang kanthi jlimet.
3.	Prinsip Unsur-unsur pembangun cerkak (tema, latar/setting, penokohan, alur, pesen, punjering crita/sudut pandang, lan konflik), wos surasane crita, lan gawe ringkesan. Crita cekak yaiku crita kang dawane ora luwih saka 10.000 tembung. Dadi, crita cekak iku crita kang cekak wae lan isine fokus ing sawijining paraga sarta sawijining kadadean kang dialami paragane iku. Unsur crita cekak bisa kabedakake dadi unsur intrinsik (unsur ing njero) lan unsur ekstrinsik (unsur ing njaba). Ing piwulagan iki kang diterangake unsur intrinsike wae. Unsur intrinsik, yaiku tema, alur, latar, paraga lan watake, amanat utawa pesen, sudut pandang, sarta basane. v  Tema yaiku idhe baku utawa gagasan baku saka crita. v  Alur yaiku urutane kadadean ing crita. v  Latar yaiku babagan papan, wektu, lan swasana ingcrita. v  Paraga yaiku wong kang dicritakake. Paraga ing crita nduweni watak dhewe-dhewe kanggo mbedakake siji lan liyane. v  Amanat yaiku piwulang luhur kang diandhut ing crita. v  Sudut pandang yaiku posisine pangripta ing crita utawa carane pangripta nyritakake isine crita. Pangripta bisa dadi tokoh ing crita kuwi, uga bisa dadi pengamat wae ing njaba crita. v  Basa yaiku gegayutan karo gaya basa kang digunakake ing crita iku.
4.	Prosedur Untukmemahamidan menelaah unsur pembangun cerkak dalam suatu teks cerita cerkak dapat dilakukan dengan cara: a. membacatekscerita cerkak dengansaksama; b. menentukan  unsur pembangun cerkak(unsur intrinsik dan ekstrinsik) c. membuat synopsis dari cerita cerkak yang sudah dibaca

4.    Stimulus terkait materi yang dibahas

 

Beberarapa peserta didik diminta menjawab beberapa pertanyaan berikut ini.

1.      Apa kowe tau maca crita cerkak?

2.      Bab apa wae sing wis kok mangerteni  ngenani unsur pembangun cerkak?

Apa pesen kang bisa dijupuk saka cerkak kang wis tau diwaca?

5.    Kegiatan Pembelajaran

KegiatanBelajar 1

1.      Gatekna andharan saka Guru!

2.      Wacanen tuladha cerkak Muga-muga diparingi Eling!

Garapen :

A.    Wangsulana pitakon Iki kanthi patitis!

1.        Kepriye panemumu mungguhing watake bapake Nopi lan Gatot?

2.     Kepriye panemumu bab sikape bapake Darmin sing arep nyekolahake Darmin ana ing SMA 03 Purwajati?

3.        Sapa sing kepengin nerusake sekolah ing SMP 09 Karangpucung?

4.        Sapa sing kepengin nerusake sekolah ing SMA 2 Purwokerto?

5.        Darmin kepengin nerusake sekolah ing endi?

6.        Kepriye bijine Ujian Akhir Nasional-e Gatot?

7.        Kepriye bijine Darmin?

8.        Jalaran apa Nopi kepengin nerusake sekolah ing SMP 09 Karangpucung?

9.        Jalaran apa Gatot kepengin nerusake sekolah ing SMA 2 Purwokerto?

10.    Apa ancase bapake Darmin mara ing omahe Gatot?

B.     Tulisen unsur Intrinsik saka crita cekak ing dhuwur!

a. Tema                                                     e. Amanat

b. Alur                                                      f.      Sudut pandang

c. Latar                                                     g. Gaya basa

d. Paraga lan watake

1.      Golekana tuladha cerkaking internet utawa ing majalah!

2.      Gawea synopsis crita kasebut!

3.      Andharna unsur intrinsike!

EVALUASI

I.       Essay

1.      Sebutna tema, latar, penokohan, alur, pesan, sudut pandang, lan konflik sajroning cerkak iki!

2.      Jlentrehna amanat/pesen kang kamot sajroning cerkak!

3.      Andharna wos surasane cerkak kasebut nganggo basamu dhewe! Isaa nggunakake basa dhialekmu!

Gara-gara ora nggugu wongtuwa

Dening : Indah Kurniawati

Agus iku satemene bocah pinter lan manut marang wongtuwane. Nanging kadhang kala ya dadi ora nggugu wongtuwa amarga prakara sepele.

Kaya dina kuwi, Agus kepengin banget dolanan montor-montoran sing nganggo remot. Agus wus matur marang ibune supaya dipundhutake ing tokone Pak Wardi.Nanging ibune nyemayani sesuke amarga ing kalodhangan iku lagi ora kagungan arta.

“Sesuk Bapak lak kondur saka dhines luar. Mesthi ngasta oleh-oleh lan arta ora ketang sethithik. Ibu dak nyuwun Bapak arta kanggo numbaske Agus dolanan montor-montoran, nggih?,” ujare Ibu.

Ibu ngendikan ngono kuwi sajane kanggo mulang putra tunggale iku supaya ajar sabar.Apa-apa kang dadi panjalukane ora kudu dituruti sakkal kuwi.Sajane Ibu ya kagungan arta, nanging ya kuwi mau. Piyambake ndidik Agus supaya bisa ajar lan mudheng kahanane wongtuwane.

Biyasane Agus dikandhani pisan ngono langsung mudheng lan manut. Nanging embuh dina kuwi ana apa, Agus malah dadi rewel lan njegot. Nalika diakon maem, ora semaur, milih meneng wae.Ulate njegadul terus nganti alise sakloron arep gathuk. Rupane mbesengut lan milih neng njero kamar terus.

Ibune ngelus dhadha nyawang putra kinasihe iku.Sajane bisa wae sanalika kuwi banjur ditukokake pepenginane Agus.Nanging piye maneh.Mau wus kebacut ngendika supaya Agus ngenteni sarawuhe Bapak sesuk, lagi dipundhutake dolanan montor-montoran.

Ora suwe, seng omahe Agus pathing kemlothak ketibanan banyu udan saka langit. Agus sing maune ana njero kamar age-age metu. Saka cendhela omahe katon yen udane rada deres. Ya saka cendhela kuwi, Agus uga weruh Doni lan Joko, tanggane, padha udan-udan keceh banyu ing njaba sinambi bal-balan. Agus dadi kepengin melu dolanan ing njaba.

“Agus…boten pareng udan-udan lho nggih.Mengko mundhak masuk angin”. Ibu kayane wus pirsa apa sing ana ing njero atine Agus.

Krungu ngandikane Ibune, Agus sansaya tambah mbesengut.Apa-apa ora oleh.Njaluk dolanan montor-montoran ora ditumbaske.Saiki arep nyeneng-nyenengke atine dhewe kanthi udan-udan bareng kancane, ya ora oleh.

“Ibu iki karepe piye ta”.Agus nggrundel ing batin.Dheweke amung bisa nyawang kancane mau dolanan sajak gayeng ing njaban omah.Awake padha kebes, nanging senenge ora karuwan. Saya suwe nyawang, Agus saya ora tahan.Ndilalah wae nalika ditoleh, Ibune ora katon.Sajake Ibu nembe mangsak ing pawon.

Agus age-age ucul klambi.Kathokan thok, Agus banjur mlayu metu, nggabung kanca-kancane bal-balan ing njaba sinambi udan-udan.Agus seneng banget.Atine bungah.Rasane mardika banget.Sekali-kali ora ngrungokake ature Ibune.

“Aguuuss…..piye ta Le!Dikandhani aja udan-udan kok ora manut. Ayo gek ndang mlebu omah!”.Ibune mbengoki saka njero omah.Kayane Ibu mau weruh ana klambine Agus gumlethak ing jobin, nanging Aguse dhewe ora ana.

“Riyin Buuuu….”.Semaure Agus saka kadohan.

Ibune isih sabar. Nanging udakara 10 menit dienteni, Agus tetep durung gelem leren sing udan-udan. Ibune wiwit kuwatir yen kesuwen sing udan-udan mengko Agus dadi masuk angin. Mula Ibu banjur nyigrakake payung lan marani Agus ing njaba.

“Ayo Agus. Wis leren.Gek ndang mlebu omah. Manut Ibu”.

“Riyin Bu. Sekedhap malih”.

“Ora bisa. Mengko kowe ndhak masuk angin, Ibu sing susah”. Ibu banjur nglarak tangane Agus, digeret ngarah mlebu omah.Tekan njero omah, Agus didukani Ibune amarga ora nggugu.

“Wis saiki ayo dak pakpungi, gek salin klambi sing anget. Kowe lak ya durung maem barang ta?”.Agus amung meneng wae.Dheweke ora wani nyauri apa-apa. Nanging sarampunge adus lan klamben, nalika arep didulang maem, Agus tetep wae wegah maem.

“Agus langsung bobok mawon Bu. Agus kesel”.Agus banjur mlebu kamare.Ibune amung ngunjal ambegan dhawa nyawang anake.

***

“Ibu…Ibuuu…..”.Agus dumadakan mbengoki Ibune saka njero kamar. Ibune sing nembe ing mburi age-age ninggal isah-isahane lan setengah mlayu nuju kamare Agus.

“Ana apa Le”.

“Anu Bu….awak kula mboten penak banget,” Agus sambat ngrasakake awake sing ora nggenah.

Ibune banjur ndemok bathuke.Rada panas. Tangan lan sikile diusap-usap, ya rada panas. Dene Agus turune njingkrung kemulan brukut sajak kadhemen kae.

“Wooooo..genah iki Agus masuk angin. Piye, tenan ta ngendikane Ibu mau.Ya ngene iki undur-undurane yen ora manut marang wongtuwa. Saiki lak Agus ngrasakake dhewe ta akibate?”.

“Nggih Bu. Nyuwun pangapunten Bu. Agus pancen salah, mboten manut Ibu.Boten kula baleni malih Bu”.

“Ya wis. Ayo saiki dak keroki sedhela, mengko gek maem dhisik banjur ngombe obat.Bubar kuwi mapan turu maneh,” ujare Ibu.

Kapethik saka : Jagad Sastra, SOLOPOS

6.    Rubrik Evaluasi Diri

No	Pertanyaan	Ya	Tidak
1.	Apakah Anda telah memahami tentang unsur pembangun cerkak ?
2.	Dapatkah Anda membuat sinopsis dari cerita cerkak?
3.	Dapatkah Anda mencari isi dari crita cerkak yang sudah dibaca?

Jika anda menjawab “TIDAK” pada salah satu persamaan di atas, maka pelajarilah materi tersebut dalam Buku Teks Pelajaran dengan bimbingan teman sejawat ataupun guru anda. Apabila anda menjawab “YA” pada semua pertanyaan, maka lanjutkanlah dengan meminta penilaian harian kepada guru anda.